ՀՀ ԱՆ Ինֆեկցիոն հիվանդությունների ազգային կենտրոնում միջին բուժանձնակազմի ներկայացուցիչների թրեյնինգները շարունակվում են
Հերթական թրեյնինգի թեման ՄԻԱՎ/ՁԻԱՀ-ն էր, որի վերաբերյալ բուժքույրերի համար դասախոսությամբ հանդես եկավ ԻՀԱԿ տնօրեն Ստեփան Աթոյանը։
Վերջինս կենտրոնի աշխատակիցներին ներկայացրեց ՄԻԱՎ-ի կառուցվածքը, փոխանցման ուղիները, կանխարգելման ձևերը, ՄԻԱՎ-ի նախակոնտակտային և հետկոնտակտային կանխարգելումներն ու թեմային առնչվող այլ տեղեկություններ։
Թրեյնինգին հաջորդած հարցուպատասխանի ընթացքում բուժանձնակազմի ներկայացուցիչները հարցեր հնչեցրին ՄԻԱՎ ունեցող անձանց հետ աշխատանքի նրբությունների, բուժանձնակազմ-բուժառու հաղորդակցության իրավակարգավորումների վերաբերյալ։
ԻՀԱԿ-ը հետևողականորեն շարունակելու է նմանատիպ միջոցառումների իրականացումը՝ մեր բուժառուներին տրամադրելու ամեն օր ավելի արդյունավետ դարձող բուժսպասարկում, իսկ բուժանձնակազմի համար ապահովելու աշխատանքային որակյալ պայմաններ։
Առողջ եղե՛ք։
