Ինֆեկցիոն հիվանդությունների ազգային կենտրոնի Լաբորատոր ախտորոշման ծառայության ղեկավար Թամարա Հովսեփյանը, Համաճարակաբանական հսկողության և խորհրդատվության բաժնի վարիչ Վարդան Արզաքանյանը և Գլոբալ հիմնադրամի «Հայաստանի Հանրապետությունում ՄԻԱՎ/ՁԻԱՀ-ի դեմ պայքարի ազգային ծրագրին աջակցություն» դրամաշնորհային ծրագրի ղեկավար Զարուհի Գրիգորյանն աշխատանքային այց են կատարել Մոլդովա։

Վերջիններս մասնակցել են «Տարածաշրջանային ռազմավարական երկխոսություն․ ՄԻԱՎ-ի թեստավորման նոր ռազմավարություններ որդեգրած երկրների փորձը» խորագրով միջոցառմանը։

Փորձի փոխանակման նպատակով մասնագետներն այցելել և ծանոթացել են հյուրընկալող երկրում ՄԻԱՎ-ի վերաբերյալ թեստավորման համակարգին և ներկայացրել ՄԻԱՎ-ի վերաբերյալ հայաստանյան փորձը և զարգացումները, առաջիկա ծրագրերը։

Հանդիպումն իրականացվել է SOS_Project 2.0 ծրագրի շրջանակներում՝ PAS-ի ԱՀԿ Եվրոպական տարածաշրջանի գրասենյակի կողմից։

ԻՀԱԿ-ը հանձնառու է մեր կենտրոնում շարունակաբար ներդնելու միջազգային առողջապահական լավագույն փորձը, ինչի նպատակով նպանատիպ փոխայցելությունները պարբերական են։