Որակի կառավարման բաժին

Որակի կառավարման բաժնի հիմնական խնդիրը հիվանդանոցում ծառայությունների որակի, պացիենտների անվտանգության և գոհունակության ապահովմանն ուղղված միասնական, տվյալահեն և շարունակաբար բարելավվող կառավարման համակարգի ձևավորումն ու իրականացումն է։ Բաժինը գործում է միջազգային չափանիշների (JCI, ISO) և լավագույն փորձի հիման վրա՝ նպաստելով բուժօգնության արդյունավետության բարձրացմանը։

Բաժնի գործառույթների հիմնական նպատակն է ապահովել պացիենտակենտրոն մոտեցում, ծառայությունների ստանդարտացում, տվյալների վստահելի կառավարում և անձնակազմի շարունակական զարգացում՝ բարձր որակի և անվտանգ բժշկական օգնության մատուցման համար։

Բաժնի հիմնական գործառույթներն են՝

• պացիենտների փորձի և գոհունակության գնահատման, բողոքների կառավարման և հետադարձ կապի համակարգերի ներդրում ու մշտադիտարկում,
• էլեկտրոնային հիվանդանոցային տվյալների համակարգի (1C/OneSoft) զարգացում, տվյալների որակի, անվտանգության և հասանելիության ապահովում,
• աշխատանքային գործընթացների ստանդարտացում, Գործողությունների Ստանդարտ Ընթացակարգերի (ԳՍԸ) մշակում, ներդրում և վերահսկողություն,
• անձնակազմի ուսուցման, կարողությունների զարգացման և կատարողականի գնահատման համակարգերի կազմակերպում,
• կենտրոնի բոլոր բաժինների տվյալների հավաքագրում, վերլուծություն, վիզուալիզացիա և տվյալահեն կառավարման աջակցություն,
• որակի հիմնական ցուցանիշների (KPI) մշակում, մշտադիտարկում և արդյունքների ներկայացում ղեկավարությանը։

Որակի կառավարման բաժինը առանցքային դեր ունի հիվանդանոցում ծառայությունների շարունակական բարելավման, ռիսկերի նվազեցման և արդյունավետ կառավարման մշակույթի ձևավորման գործընթացում։