Էնտերոբիոզի ձվիկների հայտնաբերում

(Սրատուտներ)

Արագ, պարզ և կարևոր հետազոտություն

Էնտերոբիոզը աղիքային մակաբույծ վարակ է, որը առաջանում է Enterobius vermicularis մակաբույծից, որի ձվիկները տարածվում են հեշտությամբ՝ ձեռքերից, խաղալիքներից, կենցաղային իրերից։

Ե՞րբ է անհրաժեշտ իրականացնել հետազոտությունը․

• Քոր հետանցքի շրջանում (հատկապես գիշերը)
• Քնի խանգարումներ
• Անհանգստություն երեխաների մոտ
• Ախորժակի նվազում
• Կանխարգելիչ ստուգում մանկապարտեզներում, դպրոցներում։

Ինչու՞ է կարևոր հետազոտվել․

• Կանխել օջախային բռնկումները և սահմանափակել փոխանցման շղթան։ Քանի որ հեշտությամբ փոխանցվում է ընտանիքի անդամներին։
• Խուսափել  կրկնակի վարակումից, քանի որ գիշերային  ժամերին էգ որդերը ձվադրում են պերիանալ շրջանում, ինչի հետևանքով առաջացած քորը նպաստում է ձեռքերի աղտոտմանը և ձվերի կրկնակի ներթափանցմանը օրգանիզմ։
• Ժամանակին հայտնաբերումը թույլ է տալիս արագ և արդյունավետ բուժում։

Ախտանիշների և   բարդությունների կանխարգելում
Հիվանդությունը կարող է առաջացնել պերիանալ քոր, քնի խանգարումներ, նևրոտիկ երևույթներ, աղեստամոքսային դիսֆունկցիա։ Աղջիկների մոտ հնարավոր են նաև վուլվովագինիտներ՝ մակաբույծների միգրացիայի հետևանքով։

Ռաբինովիչի մեթոդով նմուշառման ընթացքը

Enterobiasis-ի դեպքում Ռաբինովիչի մեթոդով նմուշառման համար օգտագործվում է պատրաստի կպչուն շպատել (կամ կպչուն մակերես ունեցող ապլիկատոր)։

Նմուշառման տեխնիկան

• Նմուշը վերցվում է առավոտյան՝ մինչև լվացվելը և դեֆեկացիան։
• Կպչուն մակերեսով շպատելը սեղմվում է պերիանալ ծալքերին։
• Այնուհետև շպատելը տեղադրվում է տարայի մեջ։
• Լաբորատորիայում կատարվում է մանրադիտակային հետազոտություն՝ Enterobius vermicularis-ի ձվերը հայտնաբերելու նպատակով։

Մեթոդի առավելությունները

• Պարզ և ոչ ինվազիվ է
• Հարմար է զանգվածային սկրինինգի համար
• Ունի բարձր ախտորոշիչ արժեք
• Նվազեցնում է նմուշի աղտոտման հավանականությունը,
• Ունի բարձր զգայունություն էնտերոբիոզի ախտորոշման համար
• Թույլ է տալիս հայտնաբերել հիվանդությունը նույնիսկ թույլ արտահայտված կլինիկական դեպքերում։