Պարվովիրուս B19-ը պատկանում է Parvoviridae ընտանիքին, Erythroparvovirus ցեղին։  Վիրուսը հարուցում է տարբեր կլինիկական սինդրոմներ՝ անախտանիշ ընթացքից մինչև տարբեր օրգան համակարգերի ախտահարումներ:
Երեխաների մոտ այն կոչվում է  հինգերորդ հիվանդություն (erythema infectiosum մեծահասակների մոտ ընթանում է առավելապես  հոդային ախտահարումներով, հղիների մոտ կարող է առաջացնել վիժում, պտղի  տարբեր տեսակի արատներ, հեմոլիտիկ անեմիաների դեպքում՝ ապլաստիկ կրիզ։
 

Համաճարակաբանություն
Վարակման աղբյուր – միայն մարդը։
Փոխանցման ուղիներ – օդակաթիլային, վարակված արյան տրանսֆուզիա, վերտիկալ փոխանցում՝ մորից պտղին։
Տարածվածություն – հանդիպում է ամբողջ աշխարհում, ավելի հաճախ գրանցվում են դեպքեր  ձմռան և գարնան ամիսներին։
Տարիքային խումբ – հիմնականում 4–10 տարեկան երեխաներ, սակայն կարող է հանդիպել ցանկացած տարիքում։
Վարակելիության շրջան – ցանից 1 շաբաթ առաջ, ցանավորումից հետո վարակելիությունը նվազում է

Կլինիկական պատկերը
Կլինիկական դրսևորումները կախված են տարիքից և իմունային համակարգի վիճակից։
Երեխաների մոտ – Հինգերորդ հիվանդություն
Սկզբում՝ թեթև շնչառական սիմպտոմներ, ջերմության բարձրացում։
Դեմքի ցանավորում՝ ապտակի ախտանիշ, այնուհետև ցանը տարածվում է ամբողջ մարմնով 2-3րդ օրերի ընթացքում: Այնուհետև 3-4 օր անց, դիտվում է ցանի գունատում: Ցանը պահպանվում է  2-3 շաբաթ:
Մեծահասակների մոտ
Ավելի հաճախ՝ սիմետրիկ պոլիարթրալգիա կամ պոլիարթրիտ։
Հոդային ախտահարումները սովորաբար ինքնալավացող են, և ոչ երկարատև:
Պարվովիրուսային վարակից հետո զարգանում է կայուն իմունիտետ:

 Հատուկ ռիսկային խմբեր
 Քրոնիկ հեմոլիտիկ անեմիա – ապլաստիկ կրիզ։
 Իմունադեֆիցիտ – քրոնիկ պարվովիրուսային վիրեմիա։
 Հղիներ – վիժում, պտղի մոտ տարբեր տեսակի արատներ։

Ախտորոշում

Շճաբանանական ԻՖԱ հետազոտությամբ – IgM և IgG հակամարմիններ։
PCR – վիրուսային ԴՆԹ-ի հայտնաբերում։
ԱԸՔ – անեմիա, լեյկոպենիա, թրոմբոցիտոպենիա։
ՈւՁՀ (հղիների մոտ) – պտղի մոտ տարբեր տեսակի արատների հայտնաբերում
 

Բուժում
Իմունոկոմպետենտ անձանց մոտ – սիմպտոմատիկ թերապիա։
Ապլաստիկ կրիզ – արյան տրանսֆուզիա։
 

Կանխարգելում
Պատվաստանյութ չկա։
Վարակվածների մեկուսացում մանկական կոլեկտիվներում
Հղիների կոնտակտի սահմանափակում պարվովիրուսով վարակվածների հետ
 Արյան անվտանգության ապահովում փոխներարկման ժամանակ: