Ինֆեկցիոն հիվանդությունների ազգային կենտրոնի տնօրեն Արմեն Օհանյանը և որակի ապահովման պատասխանատու Սևան Իրիցյանը մասնակցել և ելույթներով են հանդես եկել «Մոլեկուլային իմունոլոգիայի և ալերգոլոգիայի հայկական ասոցիացիա»-ի միջդիսցիպլինար միջոցառմանը:
Վերջինիս ընթացքում անդրադարձ է կատարվել հակահիստամինային դեղերի կիրառությանը տարբեր մասնագիտական ոլորտներում` վարակաբանություն, մաշկաբանություն, ալերգոլոգիա և այլն։
Միջոցառման ընթացքում առաջնային օղակի մասնագետների հետ քննարկվել են մաշկային ցաները, պարազիտները, հաճախ հանդիպող ցանային դրսևորումները և դրանց տարբերակումը։ Քննարկման առանցքում են եղել նաև ոլորտում կրկնվող սխալ կամ այլևս ոչ ակտուալ մոտեցումները:
