Ինֆեկցիոն հիվանդությունների ազգային կենտրոնի տնօրեն Ստեփան Աթոյանը ՀՀ ԱՆ-ում կայացած մամուլի ասուլիսին խոսել է մեր երկրում հեպատիտների բուժման եղանակների մասին:
Նա նշել է, որ հեպատիտ Բ-ի և հեպատիտի Ց-ի հայտնաբերման համար բնակչության շրջանում անվճար իրականացվում են ՊՇՌ թեստեր: Քաղաքացիները կարող են հետազոտվել առողջապահության նախարարության Ինֆեկցիոն հիվանդութոյունների ազգային կենտրոնում, պոլիկլինիկաներում, ինչպես նաև հիվանդության հայտնաբերման համար կենտրոնի շարժական կլինիկաները հասնում են հեռավոր մարզեր:
Ախտորոշման հաստատման դեպքում ամբողջ բուժումն իրականացվում է անվճար` պետպատվերով:
