Մեր մասնագետները շարունակում են մասնակցել աշխարհի հեղինակավոր առողջապահական միջոցառումներին՝ հարստացնելով գիտելիքներն ու ծանոթանալով տարբեր երկրների փորձին։ Դրանցից հերթականն անցկացվել է ՌԴ-ում։

Հոկտեմբերի 4-6-ը Մոսկվայում կայացած Ռուսաստանի երրորդ դիագնոստիկ գագաթնաժողովին մասնակցել է ավելի քան 11 500 մասնագետ 32 երկրներից և Ռուսաստանից։

Գագաթնաժողովին ՀՀ ԱՆ Ինֆեկցիոն հիվանդությունների ազգային կենտրոնը ներկայացրել են Գործիքային ախտորոշման ծառայության բժիշկ-ռենտգենոլոգ Աննա Մուրադյանը, բժիշկ-ռադիոլոգ Գայանե Գասպարյանը, ռենտգեն-տեխնիկ, կլինիկական օրիդինատոր Վերոնիկա Խաչատրյանը։

Եռօրյա գագաթնաժողովի ընթացքում մասնակիցները ծանոթացել և քննարկել են ճառագայթային, ուլտրաձայնային, ֆունկցիոնալ և ռադիոնուկլիդային ախտորոշման արդիական հարցերը՝ փորձագիտական միջառարկայական համագործակցությամբ։ Ուսումնասիրության առանցքում են եղել նաև ախտորոշիչ ոլորտների թվայնացմանը և առողջապահության կազմակերպմանն առնչվող տարբեր թեմաներ:

Գագաթնաժողովն ուղեկցվել է նաև գործնական վարժանքներով։