ԻՀԱԿ գործիքային ախտորոշման ծառայության բժիշկ-ռադիոլոգ Շուշան Համբարձումյանը փետրվարի 28-ից մարտի 3-ը Ավստրիայի մայրաքաղաք Վիեննայում էր՝ մասնակցելու ռադիոլոգիայի համաշխարհային ամենամյա համագումարին՝ ECR-ին։

Այս կարևորագույն առողջապահական ամենամյա միջոցառմանը մասնակցում են տասնյակ երկրների հազարավոր մասնագետներ՝ ուսումնասիրելով ռադիոլոգիայի ոլորտում տեղի ունեցող առաջընթացներն ու նորարար մոտեցումները։

Այս տարի համագումարի թիրախը եղել է ապագայի ռադիոլոգիան։ Մասնագետները ծանոթացել են ոլորտում AI-ի` արհեստական բանականության դերին և նորագույն մեթոդների կիրառմանը։ Քննարկվել են առանձնահատուկ դեպքեր՝ ոլորտի բժիշկներին օգնելով առավել ճշգրիտ ախտորոշում կատարել՝ ավելի արդյունավետ դարձնելով տրամադրվող բուժօգնությունը։