Մոնիտորինգի և գնահատման բաժին

ԻՀԱԿ մոնիթորինգի և գնահատման բաժնի հիմնական գործառույթը ՄԻԱՎ-ի, ՁԻԱՀ-ի, վիրուսային հեպատիտների և այլ ինֆեկցիոն հիվանդությունների վերաբերյալ տվյալների կառավարումն է։ Իրականացնելով ՄԻԱՎ-ի վերաբերյալ տվյալների հավաքագրում, մշակում և վերլուծություն՝ բաժինը կարևոր նշանակություն ունի ՄԻԱՎ-ի տարածման վերահսկման և գնահատման գործընթացում:

Բաժնի գործառույթների հիմնական նպատակն է ապահովել ՄԻԱՎ-ի կանխարգելման, ախտորոշման և բուժման ընթացքի մշտադիտարկում՝ խթանելով հիվանդության կանխարգելման և վերահսկման աշխատանքների արդյունավետությունը։

Բաժնի գործառույթներն են՝

• տվյալների հավաքագրում և ճշգրտում՝ տարբեր աղբյուրներից (բուժհաստատություններ, ԱԱՊ օղակ, լաբորատոր ծառայություններ) ստացված ՄԻԱՎ-ի վերաբերյալ ինֆորմացիայի ուսումնասիրություն։
• վիճակագրական տվյալների վերլուծություն՝ ՄԻԱՎ-ի տարածման միտումների և առողջապահական համակարգի գործողությունների արդյունավետության գնահատում,
• բուժման և հսկողության տվյալների վերլուծություն՝ ամբուլատոր հսկողություն, մահերի արձանագրում, բուժման ընթացքի մասին տեղեկատվություն, ինչպես նաև այլ հիվանդությունների (տուբերկուլոզ, օպորտունիստական վարակներ) վերաբերյալ տվյալների ուսումնասիրություն,
• ՄԻԱՎ դրական կարգավիճակ ունեցող հղիների և երեխաների տվյալների ուսումնասիրություն՝ նրանց հսկողության ապահովում և համապատասխան բուժում տրամադրելու նպատակով,
• գործառնական աջակցության տրամադրում ՄԻԱՎ/ՁԻԱՀ-ի դեմ պայքարի ազգային ծրագրին՝ աջակցություն պետական և միջազգային ծրագրերի իրականացմանը,
• Վիրուսային հեպատիտ Ց-ի բուժման ազգային ծրագրի շրջանակներում տրամադրվող ծառայությունների վերաբերյալ տվյալների հավաքագրում և ամփոփում,
• կենտրոնում տրամադրվող ծառայությունների վերաբերյալ տվյալների մշտադիտարկում և արդյունավետության գնահատում:

Այս բաժինը մեծ նշանակություն ունի նաև կանխարգելիչ միջոցառումների մշակման և կատարելագործման գործընթացում՝ ուսումնասիրելով տվյալները և տրամադրելով տեղեկատվություն, որն անհրաժեշտ է ՄԻԱՎ-ի տարածման նվազեցմանը նպաստելու համար։