Հակամանրէային կայունությունը՝ առողջապահական մարտահրավեր
Ամփոփելով հակամանրէային դեղերի պատշաճ օգտագործման մասին իրազեկման համաշխարհային շաբաթը՝ նոյեմբերի 18–24-ը, ևս մեկ անգամ արձանագրենք, որ հակամանրէային կայունությունը (Antimicrobial Resistance, AMR) համարվում է գլոբալ հանրային առողջապահության ամենախնդրահարույց մարտահրավերներից մեկը։
Այն իսկապես «Լուռ համաճարակ» է և առանց արդյունավետ գործողությունների սպառնում է դառնալ մահվան առաջատար պատճառներից մեկը։
Հետևելով այս տարվա կարգախոսին՝ «Գործենք հիմա. պաշտպանենք մեր ներկան, ապահովենք մեր ապագան» հնարավորություն տանք եկող սերունդներին չկորցնել արդյունավետ բուժման միջոցները և դիմակայել ժամանակի վարակիչ հիվանդություններին։
Հակամանրէային դեղերի ոչ պատշաճ և ոչ ռացիոնալ օգտագործումը բժշկության, անասնաբուժության և գյուղատնտեսության ոլորտներում, հանգեցնում է աշխարհում կայուն մանրէների տարածվածության աճի, ինչի հետևանքով սովորական վարակների բուժումը դառնում է անարդյունավետ։
Կարևոր է
Ուստի, համախմբվելով «Մեկ առողջություն» գաղափարի շուրջ, միասին կարող ենք կանխել այն վտանգները, որոնք առաջացնում են հակամանրէային դեղերի կայունության զարգացումը։