Պիկնիկների սեզոնը բացված է:
Այսօր կխոսենք տզի խայթոցի մասին:
Տզի խայթոցից հնարավոր է վարակվել մի շարք ինֆեկցիոն հիվանդություններով:
- Ամենահաճախը Լայմի հիվանդություն է՝ բորելիոզը
- Տուլարեմիա
- Ռիկետցիաներով հարուցված հիվանդություններ:
Ի՞նչ անել, եթե նկատել էք տիզ Ձեր կամ Ձեր երեխայի մարմնին.
- Հնարավորինս վաղ անհրաժեշտ է տզին հեռացնել, ընդ որում, տզի հեռացման համար կարիք չկա դիմելու վիրաբույժի կամ այլ բժշկի։
- Ինքուրույն կարող եք հեռացնել, սովորական աքցանով։ Եթե կասկածում եք, համացանցում բազմաթիվ վիդեոներ կան, թե ինչպես հեռացնել տիզը։
- Կարևոր է հեռացնելուց հետո խորհրդակցել բժշկի հետ՝ տեղամասային թերապևտ կամ վարակաբան։
*Ինքնազգացողության լավ կամ վատ լինելով հնարավոր չէ որոշել՝ վարակվե՞լ եք, թե՞ ոչ։ Բորելիոզի դեպքում հնարավոր է կանխարգելում վաղ շրջանում, որը հնարավորություն կտա հետագայում խուսափել ծանր հիվանդությունից։
Լայմի վաղ հիվանդություն (օղակաձև էրիթեմա). սա այս հիվանդության լավագույն տարբերակն է, եթե ախտորոշվում է, քանի որ․
- այս փուլում հնարավոր է լիարժեք բուժում,
- բուժման տևողությունը կարճ է, խմելու դեղերով է,
- եթե այս փուլում չենք բուժում հիվանդությունը, ցանն ինքն իրեն անցնում է, սակայն հիվանդությունը մնում է և հետագայում հանգեցնում է.
- հոդերի ծանր ախտահարման,
- նյարդերի ախտահարման՝ մեջքի ցավ, վերջույթների ցավեր, թմրածություն, ծակծկոց ոտքերում, դիմային նյարդի պարեզ,
- գլխուղեղի ախտահարման՝ չկառավարվող գլխացավեր, լուսավախություն, պարանոցի կարկամություն, ընդհուպ մինչև հոգեբուժական հիվանդություններ,
- Լայմ կարդիտ՝ հիմնականում սրտի ռիթմի խանգարում:
Լայմի հիվանդության առավել հազվադեպ դրսևորումներից է քրոնիկ ապաճական ակրոդերմատիտը (Acrodermatitis Chronica Atrophicans).
- առավել հաճախ հանդիպում է 40-70 տարեկան կանանց մոտ,
- ի տարբերություն Լայմի մյուս մաշկային դրսևորումների՝ էրիթեմա, Բորելիալ լիմֆոցիտոմա, այս ցանն ինքուրույն չի անցնում,
- շատ կարևոր է վաղ ախտորոշումը, քանի որ բուժման արդյունավետությունը ուշացած դեպքերում ցածր է,
- հաճախ այն շփոթում են անոթային անբավարության, օջախայինսկլերոդերմիայի, կարմիր քամու, ցրտից վնասման հետ,
- կարող է բարդանալ երկրորդային բակտերիալ վարակով, մեծացնում է B-բջջային լիմֆոմայի, բազալ բջջային կարցինոմայի և տափակ բջջային կարցինոմայի առաջացման ռիսկը:
