Դիմել մեզ

Երիտասարդների շրջանում ՄԻԱՎ-ի կանխարգելման ռազմավարություն

Երիտասարդների շրջանում ՄԻԱՎ-ի կանխարգելման ռազմավարություն

17.03.2025
Երիտասարդների շրջանում ՄԻԱՎ-ի կանխարգելման ռազմավարություն

Երիտասարդների շրջանում ՄԻԱՎ-ի կանխարգելման կարևոր քայլերը

 

ՄԻԱՎ-ի կանխարգելումը շատ կարևոր է, հատկապես երիտասարդների շրջանում, քանի որ նրանք հաճախ են ռիսկային վարքագծի ենթարկվում՝ առանց բավարար իրազեկվածության։ Այսօր ուզում ենք խոսել այն մասին, թե ինչպես կարելի է նվազեցնել ՄԻԱՎ-ի տարածման վտանգը և պաշտպանել ձեր առողջությունը։

 

Ի՞նչ անել՝ ՄԻԱՎ-ից պաշտպանվելու համար

 

Իրազեկված եղեք

Գիտելիքը ուժ է։ ՄԻԱՎ-ի մասին ճիշտ տեղեկատվությունը կարող է օգնել պաշտպանել ձեզ և ձեր շրջապատին։ Կարդացեք վստահելի աղբյուրներ, հետևեք առողջապահական խորհուրդներին։

 

Անվտանգ սեռական հարաբերություններ ունեցեք

Պաշտպանության ամենաարդյունավետ միջոցներից մեկը պահպանակների օգտագործումն է։ Պաշտպանված հարաբերությունները նվազեցնում են ՄԻԱՎ-ի և այլ վարակների փոխանցման ռիսկը սեռական ճանապարհով ։

 

Պարբերաբար ստուգվեք ՄԻԱՎ-ի վերաբերյալ

Եթե վարում եք ակտիվ սեռական կյանք, կարևոր է պարբերաբար հետազոտվելը։ Հայաստանում գործում են անվճար և անանուն թեստավորման կենտրոններ, որտեղ կարող եք հեշտությամբ հետազոտվել և ստանալ և ստանալ ձեզ հուզող հարցերի պատասխանները։

 

Մի օգտագործեք ուրիշի ներարկիչներն ու սուր գործիքները

Եթե թմրամիջոց եք օգտագործում կամ այլ բժշկական միջամտության կարիք ունեք, համոզվեք, որ ներարկիչներն ու բժշկական գործիքները ախտազերծված են կամ անհատական օգտագործման։

 

Օգնեք կոտրել ՄԻԱՎ-ի վերաբերյալ առկա կարծրատիպերը

ՄԻԱՎ-ը չի փոխանցվում ձեռքսեղմումով, համբույրով, ընդհանուր սպասքից կամ օդի միջոցով։ ՄԻԱՎ վարակ ունեցող անձինք պետք է ապրեն առանց խտրականության, ունենան բուժման և խնամքի լիարժեք իրավունք։

 

Ու՞ր դիմել հետազոտության և խորհրդատվության համար

ՄԻԱՎ-ի վերաբերյալ հետազոտությունը հասանելի է առողջապահական տարբեր հաստատություններում, ինչպես նաև Ինֆեկցիոն հիվանդությունների ազգային կենտրոնում։ Պարբերաբար հետազոտվելը ամենակարևոր քայլերից մեկն է՝ ձեր առողջությունը պահպանելու համար։

Ձեր առողջությունը ձեր ձեռքերում է: Կիսվեք այս տեղեկությամբ, որպեսզի այն հասանելի լինի հնարավորինս շատ մարդկանց: