Նոյեմբերի 14-ից դեկտեմբերի 1-ը ներառյալ, ՀՀ ԱՆ Ինֆեկցիոն հիվանդությունների ազգային կենտրոնի շարժական բուժախտորոշիչ կլինիկաներում, ՁԻԱՀ-ի դեմ պայքարի համաշխարհային օրվա շրջանակում, ավելի քան 600 անձ անվճար հետազոտություններ է անցել:

Քաղաքացիները ԻՀԱԿ բուժախտորոշիչ շարժական կլինիկաներում անցել են ՄԻԱՎ-ի, սիֆիլիսի, վիրուսային հեպատիտներ Բ-ի և Ց-ի ԱՆՎՃԱՐ, ԳԱՂՏՆԻ ԵՎ ԱՆԱՆՈՒՆ հետազոտություններ, որոնց վերաբերյալ պատասխանները ստացել են 15-20 րոպեի ընթացքում։

Նախաձեռնությունն իրականացվել է ՌԴ կառավարության կողմից ֆինանսավորվող ՄԱԿ-ի ՄԻԱՎ/ՁԻԱՀ-ի միացյալ ծրագրերի աջակցությամբ՝ «ՄԻԱՎ-ի վերաբերյալ հետազոտության մասսայականացում» ծրագրի շրջանակներում։

Այսպիսով՝ թվային պատկերը հետևյալն է՝

• Սյունիքի մարզ՝ 166 հետազոտություն,
• Լոռու մարզ՝ 80 հետազոտություն,
• Արարատի մարզ՝ 75 հետազոտություն,
• Արմավիրի մարզ՝ 76 հետազոտություն,
• Շիրակի մարզ՝ 62 հետազոտություն,
• Գեղարքունիքի մարզ՝ 51 հետազոտություն,
• Երևան՝ 103 հետազոտություն:

Սիրելի՛ հայրենակիցներ, հիշեցնում ենք, որ ԻՀԱԿ շարժական բուժախտորոշիչ կլինիկաներում իրականացվող անվճար հետազոտությունները շարունակական են: Հետազոտությունների ժամանակացույցի և անցկացման վայրերի մասին նախապես տեղեկանալու համար հետևե՛ք մեր ֆեյսբուքյան էջի թարմացումներին։