Սիրելի բուժաշխատողներ,
Ձեզնից յուրաքանչյուրն անվերջ պայքարում է կյանքի, տառապանքի և հույսի խաչմերուկում։ Բուժաշխատող լինելը երբեք ու երբևէ չի եղել լոկ մասնագիտություն, քանզի հենց դուք եք հարուցում հավատ այնտեղ, որտեղ մարում է վերջին հույսը, ստեղծում հարմարավետություն՝ տառապանքի և ցավի քաոսում, ավաղ, նաև սփոփում, երբ պարտվում եք անհավասար պայքարում և ինքներդ սփոփման կարիք ունեք։
Այսօր անկեղծորեն խոնարհվում եմ ձեր անհույս լավատեսության, ամենաաբստրակտ ստեղծագործ մտքի և անգերազանցելի համբերության առջև։
Ցանկանում եմ՝ ձեր ցուցաբերած մարդասիրությունն ու նվիրումը ձեզ վերադառնան բումերանգի պես՝ նույն ճշտությամբ և ուժով։
Շնորհավոր ձեր տոնը, սիրելի՛ բժիշկ, բուժքույր, լաբորանտ, մայրապետ և աջակցող թիմի անդամներ։
Արմեն Օհանյան
ԱՆ ինֆեկցիոն հիվանդությունների ազգային կենտրոնի տնօրեն