ԻՀԱԿ տնօրեն Ստեփան Աթոյանը հյուրընկալել է ՁԻԱՀ-ի, տուբերկուլոզի և մալարիայի դեմ պայքարի Գլոբալ հիմնադրամի Հայաստանի ծրագրերի թիմին՝ պորտֆոլիո ղեկավար Վալերիա Գրիշեչկինայի գլխավորությամբ և ՀՀ առողջապահության նախարարության՝ Գլոբալ հիմնադրամի ծրագրերը համակարգող խմբին:
ԻՀԱԿ տնօրենը և «ՀՀ-ում ՄԻԱՎ/ՁԻԱՀ-ի դեմ պայքարի ազգային ծրագրին աջակցություն» դրամաշնորհային ծրագրի ղեկավար Զարուհի Գրիգորյանը հիմնադրամի ներկայացուցիչների հետ քննարկել են համատեղ ծրագրերի արդյունքում իրականացված աշխատանքներն ու ամփոփել արդյունքները, ներկայացրել են առաջիկայում նախատեսված նախաձեռնությունները:
Կողմերը փոխանակվել են առաջարկություններով և դիտարկումներով, նախանշել հետագա համագործակցության ուղղությունները:
ԻՀԱԿ-ի թիմը բարձր է գնահատել Գլոբալ հիմնադրամի աջակցությունը՝ ՀՀ-ում ՄԻԱՎ/ՁԻԱՀ-ի դեմ պայքարում և կարևորել արդյունավետ համագործակցության շարունակականությունը:
