Փորձի փոխանակման ծրագրի շրջանակում Ինֆեկցիոն հիվանդությունների ազգային կենտրոնի Մոնիթորինգի և գնահատման բաժնի ղեկավար Աննա Մերգելյանը և ամբուլատոր կլինիկայի բժիշկ-վարակաբան Հրանտ Բաբայանը գտնվել են հարևան Վրաստանում։
Մեր մասնագետներն այցելել են Վրաստանի hիվանդությունների
վերահսկման և կանխարգելման ազգային կենտրոն (ՀՎԿԱԿ), ինֆեկցիոն
հիվանությունների, ՁԻԱՀ-ի, կլինիկական իմունոլոգիայի հետազոտական կենտրոն և
հանդիպել երկրում ՄԻԱՎ-ի կանխարգելման ծրագրերով աշխատող
կազմակերպությունների ներկայացուցիչների հետ։
Միջոցառումը կազմակերպվել է տարածաշրջանային SOS ծրագրի շրջանակներում՝ «Սոցիալական հավասարության կենտրոն»-ի («Social Equation Hab») նախաձեռնությամբ։
Նպատակն էր ծանոթանալ Վրաստանում ՄԻԱՎ/ՁԻԱՀ ոլորտում իրականացվող աշխատանքներին, մասնավորապես՝ պետական ծրագրերին, կանխարգելման, հայտնաբերման և բուժման իրականացմանը, ՄԻԱՎ ծառայությունների ապակենտրոնացման գործընթացին: