237 հետազոտվող 3 օրում․ ԻՀԱԿ-ն ամփոփում է հանրային միջոցառումները
Հեպատիտների դեմ պայքարի համաշխարհային օրվա շրջանակում Ինֆեկցիոն հիվանդությունների ազգային կենտրոնի նախաձեռնած հանրային միջոցառումների ընթացքում ԱՆՎՃԱՐ և ԱՆԱՆՈՒՆ հետազատվել է 237 անձ։
ԻՀԱԿ շարժական բուժախտորոշիչ կլինիկաները գտնվել են Երևանում, Գյումրիում և Վանաձորում։ Այցելուները հնարավորություն են ստացել հետազոտվելու ոչ միայն Հեպատիտներ Բ-ի և Ց-ի, այլև ՄԻԱՎ-ի և սիֆիլիսի վերաբերյալ՝ պատասխանները ստանալով ընդամենը րոպեների ընթացքում։
Բոլոր հետազոտություններն ուղեկցվել են ԻՀԱԿ մասնագետների՝ նախաթեստային և հետթեստային խորհրդատվությամբ։
Կարևորելով հանրային առողջությունն ու հիվանդությունների կանխարգելումը՝ մեր կենտրոնը պարբերաբար կազմակերպում է նման միջոցառումներ՝ քաղաքացիներին հնարավորություն ընձեռելով անվճար և արագ հետազոտվելու հնարավորություն։
Հետևեք ԻՀԱԿ պաշտոնական էջերին՝ բաց չթողնելու առաջիկայում նախատեսվող հանրային միջոցառումների վերաբերյալ հայտարարությունները։
