ԻՀԱԿ-ն աշխատանքի է հրավիրում մոնիթորինգի և գնահատման բաժնի բժիշկ-վիճակագրի, որը պատասխանատու է լինելու ընկերության մոնիթորինգի և գնահատման բաժնի գործառույթների իրականացման համար, ինչպես նաև Գլոբալ հիմնադրամի (ԳՀ) ֆինանսավորմամբ իրականացվող «Հայաստանի Հանրապետությունում ՄԻԱՎ/ՁԻԱՀ-ի դեմ պայքարի ազգային ծրագրին աջակցություն» դրամաշնորհային ծրագրի շրջանակներում ԻՀԱԿ-ի կողմից համակարգվող դրամաշնորհային ծրագրերի մոնիթորինգի և գնահատման գործընթացների սահուն իրագործման համար:
Պարտավորություններ
- Կատարել Ընկերության մոնիթորինգի և գնահատման բաժնի աշխատանքները, ինչպես նաև ընթացիկ ծրագրերի շրջանակներում կատարել վիճակագրական տեղեկատվության հավաքագրում, տվյալների բազաների համալրում և զարգացում, շարունակական վարում։
- Իրականացնել տվյալների վավերականության և հավաստիության ապահովման մեթոդների մշակում և կիրառում։
- Իրականացնել տվյալների, ցուցանիշների հաշվարկ (ուղեցույցներին համապատասխան), միտումների վերաբերյալ վիճակագրական վերլուծություններներ, տվյալների վիզուալիզացիա և ներկայացում (պրեզենտացիաների պատրաստում):
- Իրականացնել Ընկերության տարբեր ստորաբաժանումներում և ընթացիկ ծրագրերում իրականացված աշխատանքների համապատասխանության մոնիթորինգ առկա գործողությունների ստանդարտ ընթացակարգերին:
- Ընկերության ԳՀ ծրագրերի համակարգողի հետ համատեղ մշակել ծրագրի մոնիթորինգի և գնահատման պլանը, պարբերաբար վերանայել այն` դրամաշնորհային ծրագրի պահանջներին համապատասխանությունն ապահովելու համար:
- Ընթացիկ ծրագրերի շրջանականերում ՄԳ նպատակով իրականացնել պարբերական այցելություններ ծրագրի մեջ ներգրավված հասարակական կազմակերպություններ, Երևանի ու մարզային բուժհաստատություններ՝ տեղում տեխնիկական աջակցություն և մեթոդական օգնության տրամադրման նպատակով:
- Պատրաստել համապատասխան հաշվետվություններ և պահպանել հետադարձ կապ:
Պահանջվող որակավորում
- Բարձրագույն բժշկական կամ հանրային առողջապահության ոլորտում կրթություն։
- Առնվազն 3 տարվա աշխատանքային փորձ վիճակագրության, մոնիթորինգի և գնահատման ոլորտում, հիմնական վիճակագրական ցուցանիշների լավ իմացություն։
- ՄԻԱՎ-ով ապրող մարդկանց և խոցելի խմբերի նկատմամբ հանդուրժողական և հարգալից վերաբերմունք։
- Տրամաբանական մտածելակերպ և միաժամանակ մի շարք առաջադրանքների վրա և կարճ ժամետներով աշխատելու ունակություն։
- Տվյալների բազաների հետ աշխատանքի փորձ։
- Կառուցողական թիմային աշխատանքի հմտություններ։
- MS Office փաթեթի գերազանց իմացություն։
- Հայերենի գերազանց իմացություն, անգլերենի և ռուսերենի լավ իմացությունը կդիտարկվի որպես առավելություն։
Դիմելու ընթացակարգ՝ Բոլոր հետաքրքրված թեկնածուները պետք է իրենց ինքնակենսագրականները (CV) և ուղեկցող նամակն ուղարկեն Armaidsofficial@gmail.com էլեկտրոնային հասցեին՝ մինչև 15.04.2025թ.-ը ներառյալ: Նամակի վերնագրում խնդրում ենք նշել պաշտոնի անվանումը, որի համար դիմում եք: Ընտրված թեկնածուները կհրավիրվեն հարցազրույցի:
