ԻՀԱԿ-ը ներկայացվել է մանկական վարակաբանության ոլորտի ամենահեղինակավոր եվրոպական գիտաժողովում

ԻՀԱԿ-ը ներկայացվել է մանկական վարակաբանության ոլորտի ամենահեղինակավոր եվրոպական գիտաժողովում

Սույն թվականի հունիսի 1-5-ը Իտալիայի Բոլոնիա քաղաքում կայացավ Մանկական վարակիչ հիվանդությունների եվրոպական միության (ESPID) 44-րդ տարեկան գիտաժողովը ։

Այս հարթակը ոլորտի առաջատար մասնագետներին հնարավորություն է տալիս քննարկելու մանկական վարակաբանության ամենաարդիական ուղղությունները:

Գիտաժողովին ներկա էր նաև Ինֆեկցիոն հիվանդությունների ազգային կենտրոնը (ԻՀԱԿ)՝ ի դեմս ՀՀ ԱՆ վարակաբանության գծով խորհրդատու, ԻՀԱԿ տնօրեն Արմեն Օհանյանի։

Միջոցառման շրջանակում մեր կենտրոնի կողմից ներկայացվեց էլեկտրոնային պոստեր (e-poster)՝ նվիրված ԻՀԱԿ-ում տուլարեմիայի բուժման փորձին և հիվանդության կլինիկական առանձնահատկություններին։

Գիտաժողովի օրակարգում ներառված էին այնպիսի կարևոր թեմաներ, ինչպիսիք են՝

•  Շնչառական սինցիտիալ վիրուսի (RSV) կանխարգելման նոր հնարավորությունները,
•  Պատվաստանյութերի և իմունականխարգելման ժամանակակից մոտեցումները,
•  Հակամանրէային դեղերի ռացիոնալ կիրառումն ու կայունության դեմ պայքարը,
•  Արհեստական բանականության կիրառման հեռանկարները վարակաբանության և առողջապահության մեջ:

ESPID 2026-ին մասնակցությունը հրաշալի հնարավորություն էր ծանոթանալու միջազգային առաջատար փորձին ու նորարարական մոտեցումներին:

Նման հեղինակավոր գիտաժողովներին ներգրավվածությունը վճռորոշ նշանակություն ունի Հայաստանի առողջապահական համակարգում ժամանակակից գիտելիքների ներդրման և միջազգային կապերի ընդլայնման համար։